TACLOBAN CITY – Gin-sintensyahan na han Sandiganbayan forth division hi anay Mayor han Babatngon, Leyte nga hi Charita Chan hin unom ngadto pito ka tuig nga pagkapreso.
Ini in tungod ha pagtugot han anay Mayor ha liga han mga barangay nga magdumara hin kada semana nga bulang.
Napamatud-an hi Chan nga guilty beyond reasonable doubt ha pagtalapas han section 3 han anti-graft and corrupt practices act.
Gin-akusahan hi Chan ha pag-issue hin Mayors permit dida han Abril 2012 bisan may probisyon ha ilarom han section 5-D ngan 5-E ha cockfighting law of 1974 ngan Municipal ordinance No. 281.
Napapailarom gihapon ha section 89 han Local government code an diri pagtugot ha mga liga han barangay nga mag operate hin cockfights.
Samtang, abswelto na hi Chan ha one count ha pagtalapas han pareho nga provision han anti-graft law mahitungod han kawarayan sadang nga ebidensya ha gin-aaligar pag issue niya hin mayors permit ha cockpit operation ha Gallera han Babatngon bisan an tag iya hini in usa nga konsehal ngan Presidente han liga han mga barangay.
