Naglaum si kanhi Cebu City Mike Rama nga masayran sa kapolisan kung kinsa ang mga responsabli sa pagbitay ug tarpaulin sa skywalk sa Barangay Basak Pardo nga mura ug nanghadlok niya .
Sa maong tarpaulin naa ang nawong ni Rama ingon man sa duha ka patay na nga sila si Albuera Mayor Rolando Espinosa ug sa giambush nga si Ronda Vice Mayor Atty. Jonah John Ungab nga gibutangan ug marka nga “X.”
Samtang si Rama gilinginan ang nawong ug adunay suwat nga “ikaw sunod.”
Matud ni Rama nga nabalaka usab siya niini , apan di lang niya isud ug maayo sa huna-huna aron di maapektohan ang iyang inadlaw nga mga lihok .
Nitugyan na kini sa kapolisan sa pag-ila kung kinsay reponsabli niini .
Si Rama una nang gipasanginlan ni Presidente Rodrigo Duterte nga protektor sa operasyon sa ilegal nga drugas ,butang nga gibalik-balik sa pagpanghimakak sa kanhi mayor .
