Gibutyag ni Ariane Jane Ochate Ramos alias Marikit, kanhi secretary sa Guerrilla Front 55, Sub-Regional Committee 5, Southern Mindanao Regional Committee nga muhimo gilayon og counter propaganda ang CPP sa higayong adunay mamatay nga mga well known activitists sama na lang sa pagbalandra nga usa ka lehitimong magtutudlo si Booc.
Ang napatay nga si Booc alegasyong usa ka volunteer teacher sa indigenous people (IP) ug nadakpan kini niadtong February 15, 2021 sa Bakwit school sa San Carlos University – Talamban Campus, Cebu City tungod sa alegasyong human trafficking sa mga Indigenous People gikan Talaingod, Davao del Norte.
Gikahibulong sa mga kanhi NPA officials nga sila Ka Marikit o Ramos ug Joy James Saguino alyas ‘Ka Amihan’, kinsa kanhi secretary usab sa Guerilla Front 20, ang presensya ni Booc sa New Bataan.
Gibutyag ni Marikit posibleng nipailawom na si Booc sa revolutionary integration o pwedi kining mag-full-time NPA sa gituohang rason nga ilado “pasong-paso ” sa aktibistang termino.
Giawhag ni Ramos ang mga kaubanan niining mga kanhi NPAs nga tabangan nga mu-surrender aron masalbar pa ang kinabuhi sa mga nagpabilin pa gihapon sa kalihukan ilabina karon nga mas gipakusgan ang focused-military operations sa Armadong Kusog.
RadyoMaN Aimee Guinita
