Davao City – Gipresenta atubangan sa kadagkuan sa AFP, PNP, DILG ug LGUs ang mga NPA surrenderees sa Davao Occidental atol sa Joint Meeting sa Provincial Development Council ug Provincial Peace and Order Council karong adlawa dinhi sa dakbayan sa Davao.
Nidawat og ta’g P75,000 nga financial grants ang mga kanhi mga NPAs ug gisuroy usab sila sa mga nagkadaiyang lugar sa Davao City atol sa ilang recreational tour.
Sa interbyu sa DXDC RMN Davao kang 73rd Infanty Batallion Philippine Army Commander LTC. Marion Ancao nga ang mga surrenderees gilangkuban sa Team Leader sa Guerrilla Front 71, Squad leader ug mga sakop sa Milisya ng Bayan ug mga regular nga membro sa NPA.
Nitambong atol sa aktibidad karong adlawa si Department of Interior and Local Government Assistant Secretary Alexander Macario, DILG XI Regional Director Alex Roldan.
Gibutyag ni Ancao nga gawas sa mga nadawat nga pinansyal nga ayuda ubos sa CLIP sa mga ex-NPAs aduna pay gitunol nga dakong kantidad isip ganti ngadto sa mga kanhi rebelde nga nakadala’g armas.
Gitinguha ni Ancao nga maanam na’g kagamay hangtod sa wala gayuy presensya sa mga NPAs sa area sa 73rd IB karong tuiga pinaagi usab sa way puas nga suporta sa gobyerno ug kooperasyon sa mga katawhan.
RadyoMaN Aimee Guinita
