Davao City – Hugtanong gimonitor sa Philippine Drug Enforcement Agency (PDEA-XI), ang mga kanhi ug elected government officials nga nalambigit sa ilegal nga droga.
Gibutyag ni PDEA XI Regional Director Antonio Rivera, adunay kanhi bise-mayor, ex-councilor ug duha ka mga Barangay Kapitan sa rehiyon onse ang ilahang gipanid-an.
“Sa Davao Region ang pinakataas nato Vice Mayor down pero dili na siya elected, naay councilor pero dili na sad elected, naay duha active ka barangay captains but we are monitoring their activities kay nabalitaan namo nga nisurrender na pero by process ta, we have to adjudicate their case before they will be cleared.”
Gibutyag ni Rivera, naggamit ug nagbaligya og droga ang nasangpit nga mga High Value Targets.
Lakip sa gimonitor sa PDEA XI ang mga pulis nga nalambigit sa droga.
RadyoMaN Aimee Guinita
