Waray kasuhi an tutulo nga preso nga nagpakagawas ha Leyte Provincial Jail dida han Septyembre 14 yana nga tuig.
Upod an duduha nga jail guard nga hi Roy Tiozon Closa ngan Geofrey Padagdag sakay han bihikulo han Leyte Provincial Jail. Nadakop an mga ini dida han Entrapment operation han Sta. Fe leyte PNP ngan PNP Region.
Ha eksklusibo nga interview han RMN kan Leyte Provincial Jail warden Brendon Gamez, waray may ginpasaka nga kaso hadton tutulo nga preso kay may mga escort man ini nga upod.
Ini hi Dominador Igmen an Administrative Officer ni Warden Gamez an nagpa upod ha duduha nga Jail guard ngan nag upod naman an mao nga mga Jail guard hin tutulo nga preso.
Ha imbistigasyon nga gindumara han Leyte Provincial Jail, umamin daw mismo hi Igmen kan Gamez nga nagpadurayhag hiya ngadto ha ira panimalay.
Pag matapos na an imbistigasyon han Leyte Provincial Jail, plano nga pasakan hin kaso hi Igmen hin administratibo.
Samtang, ginpasakahan na hin kaso nga Infidelity in the Custody of Prisoners an duduha nga Jail guard pero nagpakagawas naman an mga ini matapos nga magpyansa.
