TACLOBAN CITY – Nabiktima han budol-budol an tulo nga kabataan nga nangingiskwela ha Rizal Central School han Tacloban, kasangkulop.
Usa nga lalaki an dumaop ha tulo nga kabataan nga waray daw magpakilala hiton iya ngaran pero nag-eedad ha 40 tubtob 50 anyos.
Sumala kan PSInsp. Edwin Canamaque, TCPO station 2 commander-in-chief, ginsugo han suspek han duha nga kabataan pagbiling han ira maestra nga nag-ngangaran daw nga Susan, ginpakaptan la anay han duha nga bata an ira cellphone ha ira classmate pero an problema nakombinsi an bata nga ighatag an mga celphone ngadto ha suspek.
Duha nga cellphone an nakuha han suspek nga nagkakantidad 4,000 pesos ngan 15,000 pesos
Padayon an imbistigasyon han Tacloban PNP han panhitabo, ginhihingita na liwat han mga otoridad kun may CCTV Camera ba ha eskwelahan nga pwede magamit pagkita kun ano an itsura han suspek ngan dayon nga pamilngon han mga kapulisan.
Sagdon han opisyal ha mga kag-anak pati ha mga kama-estrahan nga bantayan iton mga kabataan ha eskwelahan nagn diri magpasakob hin diri kilala.
