TACLOBAN CITY – Ginkapoy na paghinulat an Department Of Social Welfare and Development (DSWD) ha ira partner nga bangko nga Philippine Veterans Bank (PVB) para ha pay-out han cash grant han mga Pantawid Pamilyang Pilipino Program (4P’s) ngan Modified Conditional Cash Transfer (MCCT) ha Leyte.
Ha Exclusive interview han RMN kan DSWD Regional Director Restituto Macuto, ira na ginpull-out an ira pakipagsumpayan ha Philippine Veterans Bank, karuyag sidngon diri na makikig-partner an DSWD hini nga bangko.
“We will now pull out with Veterans Bank at kakausapin na po ang Landbank na sila na ang magcover dito sa Leyte na under Veterans Bank.”
Dugang han opisyal, waray na magpaabat ha ira an Veterans Bank sanglit an sobra 60,000 nga mga Pantawid Beneficiaries in igpapailarom na ha Landbank Of The Philippines.
Hihimuan hin bag-o nga cash cards an mga nasabi nga benepisyaryo pero ini in ha Landbank na.
Pero may maupay nga balita an DSWD, samtang naghuhulat hin cash cards, igcacash pay-out la anay han DSWD an cash grant nga maiha na niyo ginhihinulat tinikangan December tubtob June nga pay-out.
“Igcash pay-out lang muna at ang Landbank ang magbabayad.”
“Cash lang muna ang ibibigay natin sa ating mga Pantawid. Baka hindi tayo abutan ng end of August maibibigay na natin ang cash grant sa kanila.”
‘The long wait will be over’ ika nga para hadton aton mga 4P’s beneficiaries.
