Davao City – Arestado ang usa ka Korean national nga si Kim Yoonsig sa joint operation nga gikasa sa Bureau of Immigration Mindanao Intelligence Task Group XI ug National Bureau of Investigation TAGDO XI sa may Sison Subdivision, Tagum City, Davao del Norte.
Matud sa NBI TAGDO XI nga giaksyunan nila ang reklamo sa usa ka Pinay nga nagpatabang sa Immigration kinsa nailad ug gihulga pa sa suspek.
“Ninakawan siya sa bahay niya sa Ladisdawa ng worth P350,000 na pera at gamit, giilad siya at tinakot itong complainant,” matud niini.
Matud sa NBI TAGDO XI nga atol sa ilahang gikasang imbestigasyon uban ang Bureau of Immigration MITG subay sa maong sumbong, nasayran nga fugitive ang maong langyaw didto sa ilahang nasud tungod sa pagpanglimbong usab sa iyahang mga kapwa-Koreano.
“Base sa verification sa Interpol, we found out that the Korean Embassy is requesting for the deportation of Kim Yoonsig for defrauding almost a 100,000 dollars to some Korean investors and that the subject is a confirmed fugitive,” dugang niini.
Giposasan ug gipaslak karon sa detention facility sa Bureau of Immigration XI ang suspek kinsa nakalapas usab sa Philippine Immigration Law tungod kay overstaying na kini sa Pilipinas.
Gihulat karon ang deportation order batok sa maong langyaw.
RadyoMaN Aimee Guinita
