Nanawagan si Police Major Ricky Obenza, Calinan Police Station Commander ngadto sa adunay impormasyon sa mastermind ug prime suspect sa restobar explosion nga giidentipikang si Mc Pril Dacalos Encarnacion nga i-report gilayon kini sa mga awtoridad aron mapadali ang pagkasikop niini.
“Atong panawagan sa dakbayan kung kinsa man ang naka-identify aning atong suspect sa explosion incident last week nga kini si Mc Pril Dacalos Encarnacion naa ni syay kasong murder, frustrated murder, damage to property and explosive aron mapadali nato ang pagsikop ani nga suspek. Nanawagan mi kung kinsay adunay information sa iyahang whereabouts i-contact lang ang hotline number sa atong station, 911 or 888,” sumala ni Obenza.
Kahinumduman nga gihagit ni Davao City Police Office ( DCPO ) City Director Police Colonel Alberto Lupaz ang suspek nga mu-surrender sulod sa 24 oras sukad sa pagkahitabo sa krimen niadtong Agosto 7,2023 pasado alas 10 sa gabie apan ni-anino sa suspek walay nipatim-aw busa nagpadayon ang paggukod karon sa mga awtoridad aron kini masikop.
Sa giluwatang salaysay sa restobar owner, ex boyfriend niya kini nga dili gihapon maka-move on sa ilahang pagbulag hinungdan nga nihimo na kini’g serye sa threats, matud ni
Obenza.
Giklaro ni Obenza, crime of passion kini ug dili act of terrorism apan wala gihapon magkumpyansa ang mga awtoridad ug nagpabiling hugot ang seguridad karon nga Kadayawan Festival.
RadyoMaN Aimee Guinita
