Sa eksklusibong interbyu sa DXDC RMN Davao kang Luy, gipakita niini ang mga profile sa posibleng gun for hire nga mga suspek nga sakay sa black XRM motor nga nagsilbing get away vehicle human sa pagpamusil sa biktima.
Ang gunman anaa sa 5’4 ang height, slim built, brown complexion ug nagpangedaron sa 35-40 anyos samtang medium built ang drayber sa motor nga suspek.
Nag-request na usab sila sa CCTV sa iladong food chain nga duol sa crime scene.
Nakahiagom og lima ka mga samad pinusilan ang biktima ug dead on the spot kini sulod sa gisakyan niining Mitsubishi Expander.
Narekober sa crime scene ang mga basyo sa bala sa .45 nga pusil.
Segun ni Luy ang biktima kauban ang iyahang live-in partner nga si Alma Lozentes, 57 anyos ug on call drayber kinsa samdan usab nga si Junie Castro, 50 anyos ania sa syudad 4 days ago para sa business transaction.
Human nangaon og pamahaw sa usa ka foodchain sa KM 5, Buhangin samtang ga-atras ang sakyanan kalit ra nga niduol ang gunman ug gipunterya og pusil sa kalimang higayon ang biktima nga naglingkod sa atubangan ug napagan usab ang drayber.
Stable na ang kondisyon sa drayber ug nahinabi na kini sa kapulisan.
Sa in depth investigation sa Special Investigation Task Group, daghang motibo ang ilahang gisubay subay sa profile sa 67 anyos biktima nga negosyante’g sand and gravel, adunay usab kiniy aktibidad sa sabong, kanhi usab kining political consultant ug campaign manager sa ilahang lugar sa Cateel, Davao Oriental.
RadyoMaN Aimee Guinita
