Davao City – Nasusi na sa Regional Anti-Cybercrime Unit 11 ang mga CCTV footages lakip na ang footage nga nakuha sa niikyas nga sakyanan sa suspek sa pagpatay sa magtiayong Atty. Sitti Gilda Mahinay-Sapie ug Muhaimin Sapie.
Sa eksklusibong interbyu sa DXDC RMN Davao kang Davao City Police Office chief ug Special Investigation Task Force head Police Col. Kirby John Kraft , gina-trace na nila sa Land Transportation Office (LTO) ang gidudahang sakyanan sa suspetsado.
“Mayroon na po silang mga na-enhance doon kagaya ng suspected na sasakyan na ginamit ng gun man, may nakuha na tayo,” matud ni Kraft.
Duha ka mga snipers ang gilantaw sa SITG nga nikutlo sa kinabuhi sa duha ka mga biktima.
Apan matud ni Kraft usa sa mga dakong hagit sa imbestigasyon karon nga walay mga eye witnesses sa krimen nga makatudlo kung kinsa ang mga nipatay sa magtiayon.
Nakatutok ang SITG sa gihawirang mga kaso sa bangi sa yuta ug bikil sa abogada tali Board of Directors (BOD) sa subdivision.
“Hindi basta land dispute na simple iyon, malalaking land disputes ito. Meron kaming identified land dispute na hinahawakan nila. On the process pa tayo sa elimination doon,” matud ni Kraft.
RadyoMaN Aimee Guinita
