Sa interbyu sa DXDC RMN Davao kang Police Lieutenant Colonel Ronald Lao, chief sa Special Operation Group/City Drug Enforcement Unit ug PS1 Sta. Ana Police Station nga nadakpan nila ang suspek nga giilang si Edwin Pabilan alyas “PAYAT” kinsa positibong nagpayuhot og shabu sa poseur buyer sa mga operatiba.
Nasakmit sa suspek ang anaa sa 1.4 gramos sa shabu nga mokantidad P22,000.
Segun ni Lao dugay na kining ginamonitor ang suspek kinsa nalambigit sa illegal nga droga.
Samtang, gihimakak sa suspek nga namaligya kini og shabu inay dugay na kini hinuon nga gagamitan og shabu.
Gibutyag niini walo ka tuig na kini isip traffic enforcer sa CTTMO.
Gisulayan pa og kuha sa DXDC Team ang pamahayag ni CTTMO chief Dionisio Abude sa pagkasikop sa usa sa mga traffic enforcers niini nga alegasyong pagkalambigit sa droga.
RadyoMaN Aimee Guinita
