Emosyunal nga ginsabat ni Mr. Von Superio, Executive Assistant ni Governor Arthur Defensor ang mga akusasyon nga ginhaboy sa iya ni anay Provincial Administrator Manuel “Boy” Mejorada.
Nagpangayo sang permiso si Superio kay Governor Defensor agud magpabutyag sang iya balatyagon sa ginpahayag patu-pato nga akusasyon ni Mejorada.
Suno kay Superio nga ginadalahig ni Mejorada ang mga empleyado sang Kapitolyo sa akusayson sini sa Gobernador nga nagapangunyadi sa kaban sang Gobyerno.
Ginpahayag nga gin-akusahan ni Mejorada si Superio angut sa gina-alegar un-explained wealth kag paggamit sang pondo sang gobyerno sa pagbiyahe sa luwas sang pungsod.
Ginpanindugan ni Superio nga ang kontento siya sa iya ginabaton nga suweldo bilang empleyado sang kapitolyo kag indi na kinahanglan nga mangawat.
Sa iya pagtapos, ginpahayag ni Superio nga kasubong ni Mayor Calay Alonsabe sang Alimodian, iya gina-ako nga isa siya ka “agi” apang indi makawat kag wala sang plano nga mangawat sa kaban sang provincial government.
Nahibaluan nga gintawag ni Mejorada si Superio nga “agi” sa iya blocktime program kag gin-akusaran ang mga miyembro sang LGBT may posibilidad nga mangawat ukon malamita sa corruption.
