EXECUTIVE ORDER | Gobyerno sang siyudad, ginatun-an ang pagpapanaog sang executive order para sa pag-quarantine kag inspection sang mga nagasulod nga isda sa merkado sang Roxas City!

19

Roxas City, Capiz- Plano sang gobyerno sang siyudad nga mag-papanaog sang isa ka executive order agud nga ma-regulate ang pagsulod sang mga isda nga halin sa iban nga lugar padulong sa merkado diri sa siyudad.
Suno kay City Administrator Gilbert Tan, ini ang may kaangut sa report kag ginakabalak-an nga paglusot sa Roxas City sang mga nagkalamatay nga bangrus nga apektado sang fishkill sa mga punong sa Luzon area.
Ginpunto ni Tan nga ang pinakauna dapat nga amligan amo ang ikaayong lawas kag safety sang mga consumer.
Samtang lauman nga may yara sang igapatigayon nga quarantine kag maid-id nga inspeksyon sa mga gina-import nga isda halin sa iban nga lugar. Ginaekspektar man nga sa masunod nga semana magapaguha ini sang deriktiba kun sa diin mangin katuwang sa pagpatuman sini amo ang isa ka taskforce nga ginabug-osan sang sang Bureau of Fisheries and Aquatic Resources ukon BFAR kag Department of Agriculture.
Suno pa kay City Administrator Gilbert Tan, nagakadapat nga madeterminar kun sa diin nagikan ang mga gina-import nga isda pinaage sa pagkuha sang certificate of origin halin sa BFAR.
(photo)-Roxas City Information Center

www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments