Davao City – Walay nakita nga posibilidad ang usa ka political science professor nga palugwayan pa sa tibuok nasud Pilipinas ang martial law nga gipatuman karon sa Mindanao sa entero tuig 2019.
Sumala ni Prof. Ramon Beleno III sa Ateneo de Davao University, namatikdan karon sa gobyerno nga nakatutok lang ang pagpaningkamot sa mga terrorist organizations dinhi sa Mindanao diin ania dinhi ang forefront kun plantada sa gyera tali kanila ug sa estado.
“We don’t see it happening sa ibang parte (ng Pilipinas) kasi wala naman silang objectives sa mga lugar na ‘yon,” saysay ni Beleno.
Dugang pa ni Beleno nga posibleng musulod ang dautang elemento dinhi sa Davao gani gipahimangnoan niini ang katawhan nga kanunay magmabinantayon.
Gipasabot sa propesor nga adunay mga grupo nga dili gusto sa peace process aron padayong magunitan ang ilang gahum rason nga ginasamok nila ang kamugnaan sa Bangsamoro Autonomous Region sanglit unod sa maong bag-ong governmental setup mao ang ‘decommissioning of forces’ kun pagtahan sa ilang mga armas ig-gugubat.
RadyoMaN Jason Amisola
