Expanded Maternity Law gikalipay

25

Davao City – Gikalipay pagmaayo sa usa ka inahan ang pag apruba sa Expanded Maternity Law o ang 105 days of paid maternity leave nga bag-ohay lamang gilagdaan ni Pangulong Rodrigo Duterte.

Sa pakighinabi sa DXDC RMN Davao lang Maria Lea Bangcas, call center agent nga taga Catalunan Grande ning syudad sa Davao ug inahan sa 3 ka mga anak, gisaysay niini nga dugay nang ginapaabot sa mga inahan sama niya ang nahigutang benipisyo panahon sa pagpanganak.

Segun ni Lea nga gawas nga taas ang mamahimong pahulay, dako usab sumala pa ang madawat gikan sa Social Security System (SSS) nga magamit panahon sa pagpahulay sa trabaho.

“Mao na ang gipaabot sa tanang inahan nga madungagan ang maong benefits. Kay gawas nga taas taas nga pahulay, dako sad ug madawat gikan sa SSS ug taas ang panahon nga maatiman nimo imong baby.” segun niini.

Nasayran nga naghatag ang maong bag-ong balaod og 105 ka adlaw nga paid maternity leave alang sa mga working mothers sa gobyerno ug sa pribadong sektor. Aduna usay option nga 30 days extension apan walay bayad.

RadyoMaN Kirby Manzon

Facebook Comments