Davao City – Sayo nga sugdan ang piniliay sa umaabot nga 2019 Midterm Election subay sa anunsyo sa Commission on Election (COMELEC).
Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, gibutyag niini nga sugdan ang eleksyon alas-6:00 sa buntag ug mahuman sa alas-6:00 sa gabii sa Mayo 13, 2019.
Pagpasabot ni Caballero nga kini tungod kay nagbaton og usa ka libo ka mga registered voters ang usa ka clustered precincts rason nga kinahanglang sugdan og sayo ang pagboto.
“We’ll start at 6am kay naa tay 1,000 registered voters in one clustered precincts, para pud ma-cater nato tanan,” segun ni Caballero.
Samtang tambag usab tigpamaba sa COMELEC sa mga botante nga kung mahimo matan-aw karon pa lamang daan kung asa nga presento sila moboto aron dali na lamang ang pagpangita niini sa mismong adlaw sa eleksyon.
RadyoMaN Kirby Manzon
