ILOILO City – Luyag ni Councilor Rleone Gerochi nga patun-an sa Public Safety and Transportation Office kag Transportation Management ang traffic regulation office ang position sang parking sa mga dalan sang Guanco, Aldeguer kag sa palibot sang Iloilo terminal market ukon super.
Suno kay Gerochi sa kadamuon sang mga salakyan sa syudad ti-on na nga mahibaluan kun bala nagakadapat pa ang sistema sang parking sa amo nga mga lugar.
Pahayag ni Gerochi umpisa pa lamang ini snag iya plano nga magdihon sang ordinansa para sa regulation sang parking sa syudad.
Kabahin man ini sang transportation masterplan sang syudad sang Iloilo.
Nahibaluan nga may mga dalanon sa syudad nga ginapahanugotan ang parking samtang ang iban makabig nga clamping zone bangud hugot nga ginadumilian ang on road parking.
Photo via Iloilo Today
