Report ni: Tita Jen Palomo Debaja
Gin pamatbatan sang Pebrero 8,2018 si Virgil Balajadia nga mapriso sang 26 ka bulan kag gin pa multa sang $7200 dollars ,samtang 8 ka bulan nga gin pa edalum sa home detention kag multa sa pareho nga kantidad ang mister sini nga si Luisito Balajadia matapos napamatud an naglapas sang Immigration Act 2009 kg exploitation charges sa ila trabahante.
Sa pahayag sang hukom,indi malayo sa ” modern day slavery ” ang gin buhat sang mag asawa sa 5 ka trabahante sa ila restaurant nga puro mga pinoy.
Sa balita nga nabalhag sa NZherald sang Pebrero 8, guilty sa (5) lima ka charges si Balajadia sa pag sumiter sang misleading kg false informations sang mag hire ang mga ini sang 5 ka chefs halin sa Pilipinas para sa ila restaurant nga 3 Kings Food sa Birkenhead, Auckland.
Wala man ginsunod sang mag asawa ang pagsweldo nga naka base sa labor code sang New Zealand.
Nag gwa sa kalkulasyon sang Labour Inspectorate nga gina bulubanta may utang nga $15,000 back pay , $2,000 less minimum wage kg $5,000 nga holiday pay ang mag asawa sa ila trabahante.
Dugang pa nga gina pabayad ang mga biktima sang $150 per week nga rental sa makeshift room sa garahe sang mag asawa. Gina pahog man nga epadeport ang mga ini kon indi pag kaayuhon ang pag ubra sa ila restaurant.
Ari ang kabahin sang pahayag ni Immigration New Zealand Assistant General Manager Peter Devoy :
” The case came to light after the victim named in the exploitation charges reported his plight to the Philippines Consulate”
“We encourage anyone being forced to work in New Zealand illegally for less than the minimum wage and/or excessive hours to contact Immigration New Zealand or the Labour Inspectorate. People can also contact CrimeStoppers anonymously.”
