Sa padayon nga pag imbistiga, blanko pa gihapon karon ang kapulisan sa Sindangan kun si kinsa ang tag-iya ug si kinsa ang nagbilin sa usa ka Granada lakip ang mga bala sa gamay nga barong-barong didto sa Brgy. Ramon Magsaysay, lungsod sa Sindangan sakop ning atong probinsya sa Zamboanga del norte.
Kahinumduman niadtong nilabayng adlaw mga 10:00AM mitaho si Brgy. Kapitan Joselito Espinas ngadto sa tinugyanan sa balaod aron susihon ang ilang nakita nga Granada ug napulo kabuok nga buhing bala sa kalibre 5.56mm.
Sa gihimong makuti nga imbistigasyon sa kapulisan sa maong lungsod mga alas 8:00AM nakita matod pa ni Janice Allejo Arzadon sulod sa barong-barong nga -iya ni Remelyn Espinas Ogoc ang maong mga explosibo samtang nanghalay siya ug sanina, gituohan kining gibilin sa wala mailang indibidwal.
Ang narekober nga explosibo anaa na karon sa kustodiya sa Sindangan MPS samtang nagpadayon ang ilang pag imbistiga kalabot niini.
