Ginganyat ni Asst. Majority leader Ron Salo ang gobyerno nga pabaskugon ang export sector sang pungsod.
Ginhimo ang panawagan kasunod man sang triple whammy nga gina-atubang sang pungsod nga amo ang pagnubo sang exports, pagtaas sang imports kag pagnubo sang balor sang peso.
Ginpamilit ni Salo nga agud makabawi ang pungsod, dapat pabaskugon ang export markets sang Pilipinas sa mga pungsod Africa, Korea, Eastern Europe, Soviet Republics, UAE, Bahrain kag sa Carribean.
Ang ini nga mga pungsod suno sa iya ang mayor nga export frontiers sang pilipinas.
Dapat man suno sa iya magpangita pa sang iban pa nga export markets kag mag-focus sa mga export products nga yara sa top 11 tubtub 30.
Ginduso man ni Salo nga pabaskugon ang special abilities sang mga Pilipino pag-abot sa software development, animation, financial services, legal services, health informatics kag engineering bangud patok karon sa mga fastest growing economies ang amo sini nga mga field of expertise.
(photo from web)
