Davao City – Adunay imontar ang Commission on Election (COMELEC) nga express lane sa mga polling centers alang sa adlaw sa pagboto sa eleksyon karong Mayo 13, 2019.
Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, gibutyag niini nga kini nga express lane gitagana alang sa mga Persons with Disabilities (PWDs), illiterate o kadtong dili makabasa ug ingon man alang usab sa mga nagsabak.
“Makita na nila, naka paskil na sa mga voting centers, kanang express lane para sa atong mga PWDs, illiterate ug mga heavily pregnant women,” segun niini.
Dugang pa ni Caballero kung nagkinahanglan ang nahisgutan og assistance sa pagboto, mamahimong mag-uban og kabanay (4th level degree) o kaha kauban sa panimalay nga ilang gisaligan sa pagboto.
Samtang, kung wala gayu’y laing kauban, andam nga mutabang ang mga miyembro sa electoral boards diin adunay pirmahan ang assistant nga under oath, pasabot nga mo-assist lamang ug musunod sa kinsay buot iboto sa magpatabang nga botante.
RadyoMaN Kirby Manzon
