Davao City – Angay lang nga ipadayon ang Enhanced Community Quarantine (ECQ) dinhi sa syudad sa Davao tungod sa hulga sa COVID-19.
Sa pakighinabi sa DXDC RMN Davao kang Davao City Councilor Conrado Baluran, Committee on Transport and Communications chair, giuyonan niini ang rekomendasyon sa national government apan angay usab nga tumanon ang mando sa lokal nga gobyerno.
“Sa national, okay ko atong sulti ni Mayor Rody kay nahibalo man sila sa actual spread sa virus, nahibalo sila sa advise sa DOH nga unsa tong mga lugar nga dapat (ipailawom pa sa ECQ) naa pa man gud actually silay ginaingon nga 2nd wave so ang the best nga himuon, i-follow ang sulti ni Mayor Rody nga i-extend pero dinhi sa ato, mao sad ang atong iimplement kung unsa ang sulti ni Mayor Inday,” segun ni Councilor Baluran.
Apan mas maayo usab nga lantawon ang sitwasyon locally ilabi na nga duna nay mga natala nga nagpositibo sa COVID-19 sa mga brgy. dinhi sa syudad.
Hinuon, nagtuo ang konsehal nga bisan pa man sa nahimong desisyon, makaya pa sa gobyerno ang paghatag og asistinsiya sa gobyerno.
RadyoMaN Renz Barbarona
