Extended MGCQ suportado

19

Davao City – Suportado sa usa ka Barangay Captain sa District III ang pagbakwi ni Mayor Sara Duterte-Carpio sa paggamit og Food and Medicine (FM) Passs dungan sa paglugway sa Modified General Community Quarantine (MGCQ) sa Davao City nga molungtad hangtud August 15.


Sumala ni Toril Barangay Captain Alfredo Cabreros, sakto ang gihimo sa atong alkalde nga giwagtang na ang paggamit sa FM Pass human sa pila ka bulan nga pagpatuman niini sa tibuok syudad.

Apan gikinahanglang istrikto gihapon nga i-imposar ang tanang mga health protocols pananglitan sa physical distancing ug pagsuot og facemask ug nga imando nga sikopon ang mga masinupakon sanglit sa pagkakaron, padayong naghatod og peligro ang COVID-19 sa atong panglawas.

Segun ni Cabreros, epektibo gihapon nga ipatuman sa ilang barangay ang Curfew Hour bisan og ang lokal nga kagamhanan nagwagtang na niini diin ang maabtan nga mag-istambay sa gawas panahon sa kagabhion pangdakpon.

Gidawat ni Cabreros ang pagwagtang sa Liquor Ban apan sa iyang barangay, padayon niya kining i-implimentar tungod kay sukad gipatuman ang Liquor Ban pananglitan, daghan sa mga palahubog sa ilang dapit nag-usab na butang nga gustong mapadayon sa maong opisyal.

Sa laing bahin, walay pagsupak si Cabreros sa planong pag-abli pag-usab sa dakbayan sa Roxas Night Market karong September 1 ilabi na kon padayong makab-ot sa syudad ang kadaugan sa pakiggubat sa COVID-19 pandemic basta maseguro lamang ang seguridad ug kaluwasan sa katawhan.

RadyoMaN Joel Viray




Facebook Comments