Pagadian City – Mokapin sa 70 ka indibidwal ang naresto sa gilusad Oplan Pagtugis ug Manhunt Operation sa tropa sa Criminal Investigation and Detection Group Regional Force Unit 9, Criminal Investigation and Detection Group Zamboanga del Norte, Regional Intelligence Division, Special Action Force, Regional Mobile Force Battalion, Zamboanga del Sur Police Provincial Office, Provincial Mobile Force Company ug tropa sa Pagadian City PNP.
Ang Simultaneous Law Enforcement Operation, inspection ug manhunt operations gipahigayon sa Zamboanga del Sur Provincial Jail nga nakabase sa Brgy. San Jose Pagadian city nga natigayon aalas 8:15 hangtud alas 11:11 kagahapon sa buntag samtang sa susamang takna gilusad usab ang operasyon sa Governor Quarters dihang dapita sa Brgy. Dao Pagadian City, Zamboanga del Sur.
Nakumpiska sa mga otoridad sa extension nga Provincial Jail didto sa Governor’s Garden ang usa ka unit sa calibre 5.56 Tavor, laing usa ka unit sa Calibre 5.56 Ghalil, duha ka unit sa M4 riffle, usa ka unit sa AK 47; usa ka unit carbine, upat ka ihap sa calibre 45 nga pistola, usa ka 9mm pistol, upat ka ihap sa 38 revolver, lain-laing magazine ug mga bala.
Base sa nahipos nga impormasyon sa RMN Pagadian gikan sa CIDG Regional Chief Pssupt. Armel Gongona ang 69 ka mga piniriso ug mga detainees ang gihimong mga utility workers sulod sa DAO’s governors quarters nga nahimutang sa Brgy. Dao ning syudad sa Pagadian ug gikatahapan nga mga gun for hire nga gipanguluhan ni Samuel Parantar Tormis alyas Commander Tormis.
Apil nga gidala sa CIDG ang upat ka mga jail guard nga nakuhaan og armas apan wala kini maka-unipormi nga maoy nagbantay sa kadaghanan sa mga binilanggo dunay mga kasong Murder, Rape ug illegal nga druga.
Mahinumduman nga nagpasa og resolution # 2016-1133 sa Sangguniang Panlalawigan nga nag-uluhan “Establishing a Provincial Jail Extension in the Governor’s Quarter at the Provincial Government Complex, Dao, Pagadian City apan gipangugatan sa CIDG nga illegal ang maong lakang.
