Roxas City, Capiz- Ginaduso subong sa city council ang liwat nga pag-extend sang renewal sang prangkisa sang mga traysikol nga wala pa magproseso sang ila nga mga requirements.
Ini matapos suno kay City Councilor Jericho Celino nga pila ka mga operators ang nagpadulong sa city hall agud nga magdangop matapos nga napaslawan ang mga ini makapa-renew bangud man nga ang Roxas City ang napaidalom sa gihapon sa Modified General Community Quarantine(MGCQ) sa diin hugot nga ginabawalan nga makaguha ang mga senior citizens.
Mahibaloan nga makaduha na ka beses ginpalawig ang renewal sang prangkisa sang traysikol.
Abril 15 ang una nga extension kag liwat ini ginpalawig sang Hunyo 15 bangud man sa mga sitwasyon nga dala sang pandemya.
Ang amo nga proposal ang gintugyan na sa committee on public transports nga ginapamunoan ni City Councilor Garry Potato para sa dugang nga pagtuon.
photo(c)- City Councilor Jericho Angel Celino
