Davao City- Magsugod na karong adlawa ang extension sa voter registration sa COMELEC offices sa entero Davao Region.
Sa interbyu sa RMN Davao kang Atty. Gay Enumerables, COMELEC XI Assistant Regional Director, abli ang ilahang buhatan gikan alas-8 hangtod alas-5:00 sa hapon.
Matud pa nga walay weekends gawas nalang sa Oktobre 30, 2021 kun last day sa registration.
“Unta wala nay magdasok sa deadline. Hopefully mamalik tong mga wala na-accommodate sa katong previous days katong pa-end na ang registration kay mag-start na pod ang atong registration for the extension karong October 11 to October 30,” segun niini.
Gibutyag ni Enumerables, walay satellite registration apan hisgutan pa nila sa mga Election Officers ang pagpahigayon og mga mall registrations sa mga probinsya.
Samtang, sumala ni Sta Ana PNP Station Commander Police Major Benkalin Baluan nga limitado sa 250 ka transaksyon matag distrito ug gasugod sila’g release og mga number una ipatuman ang curfew sa gabie aron masigurong masunod ang physical distancing sa Magsaysay Park diin nahimutang ang COMELEC Davao Office.
RadyoMaN Aimee Guinita
