Extortion usa sa motibo sa pagsunog sa ekipo sa usa ka kompanya sa Malaybalay

39

Nagpadayon karon ang gihimong pursuit operation sa 403rd Infantry Brigade, Philippine Army batok sa upat ka armadong kalalakihan nga suspek sa pagpanunog sa usa ka boom spray truck niadtong nakalabay nga gabie.

Sa interview sa RMN ngadto kang Cpt. Ryan Layug, ang civil military operations officer ug spokesperson sa 403rd infantry brigade gibutyag niini nga nahitabo ang maong pagpanunog sa Sitio Karang-Karang, Barangay Kalasungay ning siyudad sa Malaybalay.


Ang mao nga ekipo gipanag-iya sa kompanyang Del Monte Philippines Incorporated o DMPI nga nakaparada sa ilang plantasyon.

Nasayran nga gisulod sa maong mga suspetsado ang DMPI farm ug gilayong gibubuan ug gasoline ug gisunog ang maong ekipo.

Matud ni Capt. Layug nga ila nang gidokumento na nila ang mao nga insidente aron pormal nga mapasakahan ug kason ang maong mga suspek.

Dako usab ang pagtoo sa kapulisan sa siyudad sa Malaybalay ang ilang pagtoo nga ang rebeldeng New People’s Army o NPA ang mihimo sa maong kremin.

Ang extortion ug pagpangilkil ang usa sa gitan-aw sa PNP nga motibo sa mao nga pagpanunog.

Facebook Comments

From Advertisers