Adlaw’ng Dominggo, Pebrero 20, 2022 alas 11:30 sa buntag dihang nadiskobrehan sa silingan ang mga wala nay kinabuhing magpamilya sulod sa ilang girentahang balay sa Purok 10-B, Washington St., Brgy. 39-D, Davao City.
Gikumpirma ni Police Col. Alberto Lupaz, DCPO City Director sa interbyu sa DXDC RMN Davao nga gituok patay sa suspek nga si alias “Silvestro” (gitago ang tinuod pangalan alang sa proteksyon sa menor de edad nga mga biktima) ang mga batang biktima samtang nagpakamatay usab ang suspek pinaagi sa pagdunggab og kutsilyo sa iyang kaugalingon. Ang suspek nag-edad 56 anyos ug usa ka tricycle driver.
Sa pahayag sa mga saksi sa kapulisan, niagi og grabeng depresyon ang suspetsado human kini gibiyaan sa iyang 32 anyos nga live-in-partner. Narekober sa SOCO sa crime scene ang duha ka mga kutsilyo ug 5 ka pages suicide note.
Girekomendar ni Lupaz nga ipailawom sa awtopsiya ang mga patay’ng lawas sa nagpadayong inbestigasyon sa PARRICIDE-SUICIDE nga kaso.
CRISIS/SUICIDE/HELP LINES If you or someone you know might be at risk of suicide, these 24/7 hotlines provide mental health crisis intervention: National Center for Mental Health 0917-899-8727 (USAP) 7989-8727 (USAP) Hopeline 0917-558-4673 0918-873-4673 8804-4673 2919 (toll-free for Globe and TM)
RadyoMaN Aimee Guinita
