Davao City – Pormal na’ng i-request sa City Transport and Traffic Management Office (CTTMO) sa mga jeepney drivers/operators nga tanggalon ang ‘plastic cover’ atubangan sa nawong sa ilang mga pasahero.
Matud ni Davao City Mayor Sara Duterte-Carpio nga nakig-alayon na kini sa CTTMO ug maghimo na’g ‘written request’ ang buhatan aron hingpit na’ng tanggalon ang maong tabon ug ipabilin lamang ang ‘barriers’ kilid sa mga pasahero.
“In any event, nag-istorya na man ta sa CTTMO, magbuhat na gyud sila’g memorandum nga written na gyud ang ilang request sa mga jeepney operators and drivers nga tanggalon ang kanang mura’g face shield sa tunga, in between sa mga pasahero,” segun sa alkalde.
Dugang sa Mayor nga mao usab kini ang direktiba sa Department of Health (DOH) tubag sa ‘concern’ nga delikado ang tabon sa atubangan tungod kay masaghiran kini gumikan kay puli-puli ang musakay, apan walay problema ang ‘seating arrangement’ sulod sa sakyanan.
RadyoMaN Kirby Manzon
