Face mask, out of stock pa gihapon sa Bukidnon

Luyo sa pahinumdom sa Department of Health nga dili na kinahanglang mag-panic buying ang mga Pilipino, nagpabiling out of stock ang suplay sa mga face mask sa Bukidnon.

Sa mga nakalabay nga adlaw, daling nipalit sa face masks ang ang mga Pilipino gumikan sa padayon nga hulga sa novel coronavirus o 2019-nCoV.

Gibutyag sa Department of Trade and Industry kon DTI Bukidnon nga out of stock na ang face mask sa probinsya.


Sa interview sa RMN Malaybalay ngadto kang DTI Bukidnon Provincial Director Eriberto Taban-ud Jr., gibutyag niini nga nagpahigayon sila ug monitoring sa mga parmasya ug botika sa duha ka mga siyudad sa Malaybalay ug Valencia ug ilang nasuta nga wala na kini stocks sa surgical face mask.

Una niini, subling gihupay sa Department of Health Region 10 ang kabalaka sa publiko kalabot sa sakit nga 2019 Novel Coronavirus kon nCov.

Sa interview sa RMN DXMB Malaybalay ngadto kang Dr. Ian Gonzales, sa Regional Epidemiology, Surveillance and Disaster Response Unit ug Cluster Head sa Infectious Diseases sa DOH 10 gibutyag niini nga dili kinahanglang magsuot sa face masks kung wala usay sip-on o ubo.

Gipasabot ni Dr. Gonzales nga matakdan ang usa ka tawo pinaagi sa droplet ug dili airborne.

Matud niya nga gitambagan nga musuot ug face masks kadto lamang nagsakit ilabina ug gi-ubo ug gisip-on.

Apan kung walay gibati ang usa ka tawo mamahimong dili magsuot ug face masks tungod kay walay ebidensiya nga makapugong ang pag-face mask aron dili matakdan sa nCov.

Gipahinumdon niini nga importante pa gihapon ang kanunay nga paghugas sa kamot ug pagdala ug sanitizer o alcohol.

Samtang kung magsuot gayod sa face mask gitambag ni Dr. Gonzales nga ang saktong pamaagi sa pagsuot niini mao nga ang color blue anaa sa gawas ug sa sulod ang puti.

Facebook Comments