Face mask rule giuyonan

32

Davao City – Taliwala sa pagpailawom sa Davao City ubos sa Modified General Community Quarantine (MGCQ), aduna gihapoy mga Davaoweño kinsa wala giseryoso ang paggamit sa face mask ilabi na panahon nga sila mopaingon sa mga pampublikong lugar sa dakbayan.

Gibutyag ni Third District Councilor Joselle Villafuerte nga mismo si Mayor Sara Duterte-Carpio nakamatikod sa maong dili maayong senaryo kun sitwasyon.


Matud ni Villafuerte, gihangyo sila ni Mayor Sara nga magpanday og usaka local mandatory face mask wearing ordinance.

Matud ni Villafuerte, nakita usab nila sa Konseho ang kritikal nga panginahanglanon sa mandatory wearing of face mask hinungdan nga tanang konsehal sa dakbayan, nibotar gayud pabor sa nasangpit nga bag-ong ordinansa kontra virus.

Gipasabot ni Villafuerte nga sa pagkakaron, nagpabilin pang dakung hulga ang COVID-19 sa katawhan.

Pikas bahin, dili pa kumbinsido si Villafuerte nga silotan kadtong mga tawong dili kaantigong motuman sa social kun physical distancing health protocol.

RadyoMaN Joel Viray




Facebook Comments