Davao City – Tutokan na lamang karon sa Davao City Police Office (DCPO) ang pagpatuman sa pagsuot og face mask ug social distancing isip measures batok Coronavirus Disease 2019 (COVID-19).
Kini human nga boluntaryo na lamang ang pagsul-ob og face shield sa crowded places, close contact setting, ug confined and enclosed spaces (3Cs) setting subay sa Executive Order (EO) 51-A Series of 2021 sa City Government of Davao.
Sa interbyu sa DXDC RMN Davao kang Police Colonel Kirby John Kraft, gibutyag niini nga ila gihapong gina-encourage ang matag indibidwal nga mag-face shield ilabi na kung ang tawo duol sa usa’g usa ug naga-istorya aron malikay sa risgo sa COVID-19.
“May guidelines na po tayo dyan na hindi na po tayo mag-aaprehend po ng mahuhuli nating walang face shield. So, more on reminders po sa kanila. Face mask at social distancing, doon po tayo naghihigpit sa mga panahong ito,” matud ni Kraft.
Sa interbyu usab sa DXDC RMN Davao sa management sa dagkong malls sa syudad nga nahimutang sa Ecoland ug Bajada, mamahimo nang makasulod bisan og walay face shield ang publiko, apan kini gina-encourage gihapong suoton isip dugang proteksyon batok sa virus.
Samtang, wala gihapon gitugotan ang mga bata sulod sa grocery ug department store, gawas lang sa pag-kaon sa restaurant.
RadyoMaN Kirby Manzon
