Davao City – Gilakip na usab karon ang mga pasahero sa eroplano sa mandatory nga pagsul-ob og face shield.
Matud ni Davao City Mayor Sara Duterte-Carpio, subay kini sa gipagawas nga bag-ong memorandum sa Department of Transportation (DOTr) isip dugang proteksyon batok sa Coronavirus Disease 2019 (COVID-19).
“Dunay bag-o nga memorandum (ang DOTr) mandatory pud ang face shield sa plane passengers,” tataw sa alkalde.
Gipasabot ni Mayor Sara, subay sa Executive Order (EO), permissive kun optional ang face shield sa general public gawas lang sa mandatory nga pagsul-ob niini sa mga Public Utility Vehicles (PUVs) pinaagi sa DOTr order ug ingon man sa mga opisina subay sa mando sa Department of Labor and Employment (DOLE).
“Nakabutang sa atong Executive Order nga permissive ang face shield sa general public.Mandatory ba gyud siya? Depende sa institution,” tataw sa alkalde.
RadyoMaN Kirby Manzon
