Davao City- Wala giwagtang sa Southern Philippines Medical Center (SPMC) ang mga striktong mga health protocols kontra COVID-19.
Matud ni SPMC chief Dr. Ricardo Audan sa interview sa DXDC RMN Davao, required gihapon sulod sa ospital ang pagsuot og face shield uban ang face masks sa mga empleyado ug mga watchers sa pasyente.
“The risk is still there kay ang COVID mura’g part na gihapon sa atong kinabuhi naa gyod ng COVID dili gyod na siya mawala dayon. Ang nindot lang kay siguro majority of us were already been vaccinated but even if you are vaccinated It’s not a guarantee that you will not be infected,”
Samtang, gibutyag ni Audan, nakaandam ang SPMC subay sa Executive Order nga kini nalang ang ospital sa pagkakaron nga mudawat og COVID-19 patients.
Sumala niini, nga moderate, critical ug severe lang gihapon ang ilahang dawaton nga COVID-19 patients.
Sa pikaulahing datos sa COVID-19 admission sa SPMC, parehong anaa sa below 50% utilization rate ang COVID-19 Isolation ug Ward beds.
RadyoMaN Aimee Guinita
