Zamboanga del Sur – Sundon ug respetaran sa Department of Education (DepEd) IX ang desisyon ni Presidente Rodrigo Duterte nga kanselahon ang pilot implementation sa limited face-to-face classes sa mga piniling lugar sa nasod nga gitakda nga pagahimuon unta sa umaabot Enero sa sunod tuig.
Gibutyag ni Deped IX Direktor Isabelita Borres sa interview sa DXPR, nga sa pagkakaron ipadayon usa lamang nila ang pagpatuman sa blended learning modalities nga gitugotan karong panahon sa pandemic sama sa pagamit og printed modules ug digitized modules alang sa modular distance learning, ug ang radio-based instruction ug television-based instruction.
Matod ni Borres, nahitsas na unta ang pipila ka mga eskwelahan sa rehiyon alang sa gitakda nga limited face-to-face class pilot implementation apan giatras una kini subay sa mando sa presidente. Mahinumduman nga sumala ni Presidente Duterte, atol sa iyang pagpakigtagbo sa mga opisyal sa Inter-Agency Task Force (IATF) for the Management of Emerging Infectious Diseases.
Tungod niini, dili lang usa ipadayon ang naplanuhan na nga face-to-face classes sunod tuig isip usa sa mga pagpangandam aron masumpo ang pagkuyanap sa gituohang bag-o nga strain sa SARS-CoV-2, ang virus nga maoy nagdala sa sakit nga Covid-19.
