Gianunsyo ni Generose Tecson ang Head sa City Tourism Operations Office (CTOO) atul sa AFP PNP Press Corps Southern Mindanao, target nga ibalik ang F2F activities sa Kadayawan sa Dabaw karong Agosto sama sa Indak-Indak sa Kadalanan ug Pamulak sa Kadayawan o ang Floral Float Parade.
Sa interbyu sa DXDC RMN Davao sa Dabawenyo nga si Analou Gabriel, taga S.I.R New Matina, Davao City, gisaysay niini mas maayo kung mabalik ang F2F nga selebrasyon sa Kadayawan sa Dabaw aron kini mas ma-enjoy ang Davaoeños ug sa mga mubisita sa syudad.
“Okay lang para enjoy pud ang Kadayawan, enjoy ang ano nato (selebrasyon) sa Davao. Kay tanan ‘ta.. kung baga, back to normal na ba nga wala na kay angay kahadlokan,” sulti ni Gabriel.
Kahinumduman nga sugod Agosto 2020 o pagsugod sa pandemy, wala na nagpahigayon og F2F activities sa Kadayawan sa Dabaw, inay gihimong online ang aktibidad aron malikayan ang risgo sa takod sa COVID-19.
RadyoMaN Kirby Manzon
