Davao City – Nagdisenyo ang Task Force Davao og transparent health-protective barrier prototype aron dinhi i-check ang mga travelers nga walay face shields atol sa pagtanggal sa ilang mga face masks sa checkpoints.
Sa interbyu sa DXDC RMN Davao kang Task Force Davao Commander Col. Consolito Yecla, mandatory nga tanggalon sa checkpoint, ang mga face mask subay sa gipatumang dugang hugot pa nga seguridad aron masigurong dili malutsan og mga terorista ang syudad.
“Nag-design kami ng protective shield na para siyang barrier na transparent, in case ang individual walay sol-ob nga face shield, they can remove their face masks without risking their health,” segun ni Yecla.
Susihon usab sa gimugnang barrier prototype, ang mga bagahe sa mga pasahero sa higayong dili functional, ang x-ray baggage machines.
Matud ni Yecla, ang mga babaeng adunay veil o hijab inspeksyunon sa mga cubicles. Kinahanglang hukason usab ang mga jackets sa inspection areas.
Gimuntar sa militar sa checkpoints, ang updated gallery sa terorista partikular na ang mga responsable sa twin bombings sa Jolo, Sulu nga nikutlo’g 14 ka mga kinabuhi.
RadyoMaN Aimee Guinita
