Davao City – Milagro: Kini maoy hugot gituhoan sa inahan sa batan-ong miambak sa usa ka mall sa may Bajada ning syudad sa Davao human nakalingkawas ang naulahi gikan sa klarong kamatayon niadtong tungora.
Sa pagdangop dinhi sa sibyahanan sa DXDC RMN Davao ni alyas Jean, inahan sa biktimang si alyas Jay, daku ang iyang pagpasalamat sa Ginoo nga dakung buhi ang nag-inusara niyang anak-lalaki diin kinsa usab pinangayo gayud sa kahitas-an.
“The Lord has been very good to us. God is really good, gibuhi gyud niya akong anak. Ingon ang mga doctor, it has been really a miracle kay buhi gyud siya ug mapasalamaton gyud mi tibuok pamilya,” segun sa inahan.
Gani gisaysay sa inahan nga bisan nakahiagom kini og mga bali sa kalawasan, maayo nalang kay conscious kini.
Subay niini, nanghinaut ang inahan nga magsilbing leksyon sa tanan ang maong panghitabo.
“Kini, this should actually serve as a lesson to all and the incident that had happened to my son should be an example to stop people (from being) influenced by the devil to jump from the 5th floor of GMall down to the ground floor,” sumala ni alyas Jean.
Dugang niya nga kini na usab ang panahon nga maghimo og lakang ang mall management kalabotan sa insidente sama sa pagbutang og dugang railings o sigurohon gayud nga wala nay mahulog kun muambak sa sunod nga mga panahon.
Kahinumduman nga nakurat ang katawhan sa gidangatan sa batan-on human miambak gikan sa 5th floor sa usa ka mall niadtong adlaw’ng Domingo sa gabii, Enero 6, 2019.
Samtang una na nga giingon ni Ermela Deposa, Program Director for Counseling sa Koinonia Theological Seminary Foundation dinhi sa Davao City atol sa ‘Understanding Depression Session’ sa RMN DXDC Davao nga og adunay miyembro sa pamilya nga nakasinati og depresyon, dili kini dapat pasagdan kundi angay kini storyahon ug kumustahon diin asa komon kaayo karon ang kakulang sa paglaum kun ‘sense of hopelessness’ sa tawo inubanan sa daghang mga factors nga nagatunol kaniya ug mga suliran.
RadyoMaN Renz Barbarona
