FAITH IN THE MIDST OF PANDEMIC

Taliwala sa nasinati-an nga COVID-19 pandemic magduha katuig na, nakahatag kini og ka walay paglaum sa mga tawo. Gisukod lamang kita sa Labaw’ng Makagagahum kun asa kutob ang atong pagto-o kaniya.sumala ni Ptr. Bartolome Adlawan Oniot sa International One Way Outreach Church human nahinabi sa DXDC RMN Davao.

Segun ni Ptr. Oniot nga kun duna kay pagsalig sa Ginoo mahimong malampasan kining tanan nga naga panghitabo karon dala sa pandemya.

Gidugang ni Ptr. Oniot kun duna kay katagbawan sa imong kasing-kasing bisan sa kalisud nga natagamtaman dala sa COVID-19 dili ta angay mabalaka tungod kay wala kini nagpasabot nga ang Ginoo mobiya kanato tungod kay siya buhi og dili gayod mobiya kanato.

Samtang giingon usab ni Ptr. Emmanuel España sa First Davao Missionary Baptist Church nga ang pandemya nakahatag og kahadlok sa mga tawo ug daghan ang naapektohan ingon man naghatag usab og kadasig sa matag usa uban ang pagtinabangay.

Gipasabot ni Ptr. España nga sa nagapanghitabo karon, dili kita mawad-an og paglaum bisan og nakahatag og kabalaka ug kalisud sa katawhan atong itugyan sa Ginoo ang tanan kay siya man nagakontrol og nasayud sa tanang panghitabo.

Taliwala sa hagit sa kinabuhi, malaumon ang duruha ka mga pastor nga makalingkawas ta niining epekto sa pandemya.

RadyoMan Don Pulayao