Hugot nga gi-deny ni Camp Alagar Regional director chief Supt. Timoteo Pacleb, ang gi-post nga mga information Face Book, nga nagbutyag nga duna nay ISIS terrorist nga nakasulod dinhi sa Mindanao, gikan sa Indonesia.
Matud ni Pacleb, “fake news”, ang maong information, nga gipirmahanni Camp Alagar Intelligence Chief ni Supt. Rodulfo Hernandez, sa iyang memo nga gipagawas niadtong Feb. 27.
Ang maong memo, gisulat sa usa papil, gamit ang letter head sa Police Regional office No. 10 nga dunay subject: *“Conduct Validation re ISIS Bombers, and expert Bomb maker”*
Matud sa maong memo, nga ang mga ISIS terrorist, gikan sa Indonesia, mitabok sa Borneo, ug milahos dinhi sa Mindanao, nga nagpato-o nga mga mana-nagat.
Gidugang pa sa maong memo, nga ang maong mga ISIS terrorist, ilang target ang mga populated areas, sama sa mga Mall, ug Plaza., dinhi sa Pilipinas.
Matud pa sa maong memo, nga lakip sa mga syudad nga target sa maong mga ISIS terrorist, ang mga syudad sa Zamoanga, Davao, Manila, Cebu, Ilo-ilo, Cagayan de Oro, ug mga syudad sa Northern and southern Mindanao.
*“It is purely fabricated and maliciously publicized to malign not only PRO10, but the entire PNP.* “ matud ni Pacleb.
Matud ni Camp Alagar spokesman Supt. Lemuel Gonda, nga gi-imbistigahan na karon sa Cyber Crime office sa Camp Alagar, ang maong memo, nga gi-post sa wala magpa-ilang tawo.
Hino-on gipasabot ni Gonda, nga si Supt. Rudolfo Hernandez, maoy tino-od nga Regional Intelligence Chief sa Camp Alagar.
Apan matud ni Gonda, nga dili si supt. Hernandez ang nag-post sa Face book samaong memo.
*“Gikopya lang ang iyang pirma, ( supt. Rodulfo Hernandez ) pero dili gyud siya ang nagpirma sa maong fake memo” *matud ni gonda.
