Davao City – Dakung hagit sa lehitimo nga journalist kun media kung unsaon pagpagula sa taho nga makumbinse ang publiko nga dili peke ang gihatud nga impormasyon.
Gibutyag ni Davao Newsbreak Online Publisher ug Journalist Ben Tesiorna nga dili na gayod mapugngan ang pagbutho sa fake news karon kay mao na kini ang riyalidad sa atong moderno nga panahon.
Busa bug-at kini nga challenge sa mga journalist ang pagtugbang sa ‘fake news’ aron dili mahisalaag ang katawhan sa sayop nga mga impormasyon nga mamantala sa social media.
Sa pagtoon sa Digital Global Overview anaa sa 2.5 bilyon ka tawo ang aktibo gatutok sa social media diin sa 15 ka mga nasud nag-una mao ang Pilipinas tungod kay 58% sa total population sa nasud gagamit sa soial media.
Ang social media maoy gigamit nga luna sa mga tawo nga nagpakatag sa fake news kay epektibo kini nga pamaagi aron dali ra muabot sa katawhan ang ilang pagpangdaot sa kontra partidos.
Matud ni Tesiorna, gumikan sa social media paspas na kaayo mukanat ang peke nga taho ug masapwan na ang tinuod nga mga balita nga gisabwag sa lehitimo nga mga media kun journalist.
Segun sa ilado nga manunulat nga pareho walay angay basulon sa pagkatag sa fake news karon kay pareho man sad walay gihimo ang bloggers ug ang media industry sa pag-alkontra sa peke nga taho nga gipakatag sa pipila.
Batbat pa niini, dili puwede i-regulate kun rendahan ang social media ug ang journalist diha sa pagpagula og impormasyon kay gigarantiya sa balaod ang gawasnon nga taho ug kun pugson ang pagkontrolar ani dako kining kalapasan sa balaod.
RadyoMaN Joel Viray
