Fake news nakaapekto sa kampanya kontra COVID-19

42

Davao City – Gikadismaya sa Department of the Interior and Local Government (DILG XI) ang padayong pagkatag sa mga misinformation kalabot sa COVID-19.

Gibutyag ni DILG XI Regional Director Alex Roldan sa interview sa RMN Davao nga tungod sa mga fake news adunay mga tao nga nagkampante na kay wala na gatuo og COVID-19.

Sumala ni Roldan, pipila kanila mga taxi drivers nga wala na gasol-ob og face masks.


“Naa koy nakita nga taxi driver nga nasakyan niingon nga dili man ni tinuod, di na gani musuot og facemasks kay mao daw lagi sulti sa naa sa radyo,” segun ni Roldan.

Subay niini gimanduan ni Roldan ang kapulisan nga pakusgan ang pagpanakop sa mga malapason sa health protocols.

“Giingnan nako ang mga pulis kung aduna moy makita nga mga drivers nga wala na mag-mask dakpa ninyo deretso kay adunay mga drivers nga wala na ga-mask,” gisulti niini.



Gibutyag ni Roldan delikado kung magpadayon nga magpakampante ang publiko nga daw wala gaatubang og pandemya.

Hisgutan sa ipahigayong meeting sa Regional IATF on COVID-19 ang mga posibleng mga legal actions batok ngadto sa mga indibidwal nga padayong gapakatag og fake news sa COVID-19.


RadyoMaN Aimee Guinita

Facebook Comments