Davao City – Sa tinguha nga mapadayon gihapon ang family planning nanghatag ang lokal nga panggamhanan sa Davao og mga condoms samtang nakapondo ang katawhan sa mga panimalay ilawom sa Community Quarantine nunot sa giatubang nga krisis tungod sa COVID-19 pandemic.
Matud ni Davao City Mayor Sara Duterte, giapil kini sa mga gihatag nga grocery packs ngadto sa mga katawhan sa matag barangay.
“Ayaw mo og katingala nga dunay mga condoms sa mga food packs because daghan ta og stock sa condom. Atoa ning gipangayo sa Department of Health kaniadto para sa atoang kampanya sa Pagbabago Campaign. Tungod kay na stop ang atoang Pagbabago Campaign, atoang gibutang sa atoang mga relief goods ang atoang mga condom,” sumala niini.
Kung dili kini gikinahanglan, segun sa mayor ihatag kini sa mga managtampo o pares.
Wala na giapil ang birth control pills tungod doktor lamang makaingon kung unsa nga pills ang haom alang sa mga mutumar segun sa alkalde.
Samtang, sa pakighinabi sa RMN Davao, giawhag ni Reproductive Health and Wellness Center (RHWC) head Dra. Jordana Ramiterre ang mga magasawa nga iobserba ang responsible parenthood ug family planning.
“Bisa’g naa ra ta sa mga balay, we have to be very,very responsible. Maghuna-huna pod ta sa atong mga responsibilities ilabina kung dako-dako na daan ang atong pamilya, we need also to control because we cannot take care kung daghan gyod kaayo ta’g bata o dako ang atong pamilya. Kung ano lang kaya at maibigay kay lisod bya kaayo ang kinabuhi,” segun ni Ramiterre.
RadyoMaN Aimee Guinita
