Davao City – Padayong ginaduso ni Davao City Mayor Inday Sara Duterte
Carpio ang family planning ug responsible parenthood.
Kini ang giambit sa alkalde human siya nahimong guest speaker sa National
Women’s Month Celebration nga gipahigayon sa RDR Gym, Tagum City kaganinang
buntag.
Usa sa mga gipamahayag sa Mayor didto sa Tagum ang usa sa mga programa sa
syudad sa Davao nga mao ang anti poverty reduction sa syudad diin iyang
gihimong ehemplo ang pamilyang adunay mga anak ang wala nakahuman tungod sa
kalisod gani ang uban mangayo pa og panggatas ug panggasto sa mga ginikanan
aron lang adunay ipakaon ug pangsuporta sa ilang pamilya.
Panawagan sa alkalde sa kababainhan nga planuhan ang pagbuo og pamilya
ilabi na ang pagkaresponsableng ginikanan sa mga anak aron makaangkon ang
mga kabatan-unan og maayong kaugmaon.
RadyoMaN Renz Barbarona
