Davao City – Usa sa gilantaw nga posibleng dakung hinungdan sa sayo nga pagbuntis sa mga kabataan mao ang free kun easy access sa mga contents nga gawasnong makita diha sa social media.
Sa interbyu sa DXDC RMN Davao kang City Social Welfare and Development Office (CSWDO) head Malou Bermudo, gisugilon niini nga gikinahanglan ang hugot nga pagbantay ug paggiya sa mga ginikanan sa ilang mga anak ilabi na sa panahon karon sa pandemic.
“Sa time nga naga-experience sila’g anxiety, fear sa present pandemic nato nga condition, dapat kita pod ang frontline nga mag-provide og psychological support, psychological dealings sa atong mga anak, kitang mga ginikanan. Unless, kailangan na gyod og professionals kay lalom na kaayo nga kailangan na og psychologist or psychiatrist,” butyag ni Bermudo.
Gi-intensify usab karon sa lokal nga gobyerno pinaagi sa CSWDO ug City Health Office (CHO) ang mga programa, interventions ug aktibidad para sa mga youth dinhi sa syudad aron ma-address ang isyu sa sayo nga pagbuntis.
Adunay mga aktibidad gamit ang social media platforms aron sa pag-empower sa mga kabataaan aron kaantigo silang mo-handle kun mo-manage sa ilang mga concerns, problema ug mga challenges nga gisagubang.
RadyoMan Aimee Guinita
