Davao city- Gibarugan karon sa grupong Southeastern Mindanao Diversified Drivers and Operators Cooperative (SEMDOCC) nga dili sulbad sa taas-presyo sa petrolyo ang fare increase sa mga pampublikong panakayan.
Matud ni SEMDOCC President Maning Duran, ang pagduso og petisyon sa usbaw sa pletehan ngadto sa LTFRB magpasamot lamang sa kalisud sa katawhang Pilipino tungod niining pagsaka sa presyo sa prime and basic commodities hatud sa epekto sa oil hike price nga ginapatuman sa mga kumpanya sa lana sa nasud.
Nabalaka si Duran nga dili nila matubag ang mga pangutana sa mga stakeholders nga muapil sa fare increase consultation kon magduso sila og petisyon sa pagpasaka sa pletehan.
Gipasabot ni Duran nga anaa sa usbaw sa presyo sa petrolyo ang matuod nga away sa sektor sa transportasyon ug wala sa fare increase, busa, walay plano ang ilang grupo nga mangayo og dugang usbaw sa pamasahe sa mga pampublikong sakyanan.
RadyoMaN Joel Viray
Facebook Comments
