Davao City – Posible sumala pang ipadayon sa usa ka transport group ang ilang petisyon nga usbaw sa pletehan kung magpadayon usab ang ginapatuman nga oil price hike sa mga kumpanya sa lana.
Sa pakighinabi sa DXDC RMN Davao kang Maning Duran, ang presidente sa Southeastern Mindanao Diversified Drivers Operators Cooperative (SEMDDOC), gibutyag niini nga bug-at gayud alang sa mga drivers ang laing oil price hike karong adlawa diin midungan pa ang fuel excise tax tungod sa ikaduhang batch sa TRAIN Law.
Segun ni Duran nga kung magpadayon pa ang pagtaas sa presyo sa petrolyo, ilang mamahimong bala mao ang subling pagduso sa petition sa fare increase diin mamahimo nang P10 ang minimum fare.
“Kung madugangan pa gyud na siya kay bigla baya ni siya kaayo, posible nga amoa na sab tong bawi-on ang among petisyon sa fare increase.” sumala ni Duran.
Kahinumduman nga gi-withdraw sa grupo ang ilang giduso nga petition sa fare increase human nga sunod-sunod ang nahitabo nga oil price rollback sa milabay nga tuig.
RadyoMaN Kirby Manzon
