Padayon nga nagahulat sang fare matrix ang mga drivers kag operators sang depasahero nga mga jeep sa siyudad sang Iloilo.
Ginpahayag ni ICLAJODA President Boyet Parcon nga tubtub subong wala pa sa gihapon mag-abot ang taripa gikan sa Central office sang LTFRB.
Nahibaluan nga duha ka semana na ang nakaligad sang gin-aprobahan sang LTFRB ang petition sang transport groups sa rehiyon 6 nga himuon 9 pesos ang regular nga pamasahe sa jeep gikan sa 6.50 .
Indi makapanukot ang mga drivers sang 9 pesos sa mga pasahero tubtub wala sila sang taripa nga nakapaskil sa ila mga jeep.
Suno kay Parcon nga magahalin gid sa central office sang LTFRB ang mga taripa kag indi puwede ang taripa nga ginhimu-himo lang .
May nagakaigo nga penalidad ang sin-o man nga driver nga maggamit sang peke nga taripa para makapanukot sang bag-o nga sukot sa pamasahe.
(photo from web)
